أيها المدونون أينما كنتم السلام عليكم
استغليت عطلة عيد الاضحى (اللي دائما ما تسبق الامتحانات و نقعد فيها ندرس !) و شلت "قشي" و سافرت تركيا
بصراحة تركيا فاقت توقعاتي ما توقعتها بهالجمال
i strongly recommmend it
!
قعدنا خمسة أيام :
اليوم الأول :
رحنا أحلى مكان بتركيا كلها و هو متحف "طوبقابي"
اللي يروح تركيا و ما يزور المتحف كأنه ما راح تركيا !
أحلى الشغلات اللي شفته بالمتحف كان جزء من شعر لحية الرسول محمد صلى الله عليه و آله و سلم و ختمه و طبعة قدمه ، و سيف الامام علي بن ابي طالب (بس مو ذوالفقار!) و سيف جعفر الطيار و عصا النبي موسى (ع) و عمامة النبي يوسف (ع) ، و جزء من ذراع النبي يحي (ع) .
طبعا بعد زيارتي للمتحف اكتشفت ان سلاطينهم أيام أول كانوا ما يتغشمرون أقل شي عندهم الياقوت و الفيروز و الذهب و بكل مكان تلقاه على عروشهم و عصيهم و غرفهم و تيجانهم ... عقدوني !
بس في مشكلة وحده بالسالفة .. ؟
ما يخلوننا نصور هالشغلات !
المتحف قريب من فندقنا فرحنا مشي و بالطريج طبعا كله حدايق و الجو روعة
و عربانات الذرة و الكستنه ... اللللللللللللللللللللللللللللللللللللللله !
و هذي بعض الصور "المهربة" من المتحف و اللي ما زفونا لمن صورناها كلش !
غرفة السلطان ... السرير فيه شبه من سريري P:
سيف للنبي داوود (ع)
-مع الأسف ما قدرت اصور الشغلات الثانية الاهم :(
اليوم الثاني :
رحنا الشارع الرئيسي مالهم (تقسيم)
لا تطوفكم الشاورما و الحلويات عندهم
خصوصا حلو يسمونه (حلقوم) نفس الجلي و داخله جوز هند و مكسرات و القهوة التركية اكيييد
طبعا انا ما اشرب قهوة وايد و بس شربت قهوتهم (المو مركزة) ما قدرت انام طول الليل !
اليوم الثالث :
اليوم الرابع :
كنا رايحين شارع من أشهر شوارع تركيا اسمه "بغداد جادة سي" و اذا بنا نصادف ....
و طبعا اللي شاف مسلسل لميس و يحي راح يعرفه احنا نتحجى عن منو ،
كانت تمشي بالشارع و محد معبرها بدون مبالغة !
و صدناها و اهيا داشة المحل
اليوم الخامس و الأخير :
رحنا قصر أتاتورك اللي فيه الجيش اللي ما يتحركون من مكانهم (مثل اللي بلندن) بس لا تشوفون اشكالهم و الله يخرعون !
بالطريج نحو المدخل
هني لمن قالنا الحارس انه القصر مصكرينه !
:"(
و هذي بعض الصور المتفرقة ....
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تغرَّبْ عن الأوطان في طلب العلى
وسافر ففي الأسفار خمس فوائد
تَفَرُّج همٍّ، واكتساب مــعيشة
وعلم، وآداب، وصحبة ماجد
الامام علي بن ابي طالب (ع)
اذا أردت أن تعرف أخلاق شخص فاستشره أو رافقه في السفر
توفيق الحكيم
قصر النظر من عدم السفر
كارلو غولدوني
من لم ير الا بلده يكن قد قرأ الصفحة الاولى فقط من كتاب الكون
فوجريه دو مونبرون
أيها المدونون أينما كنتم السلام عليكم
15 التعليقات:
وعليكم السلام احمد شلونك وشخبارك
والله شوقتنا خوش سفرة من وقت للثاني الواحد محتاج ترفيه واستجمام
بس احلي شي الممثله الي محد معبرها
انا ما اعرفها لان ماا تابع مسلسلات تركية البته :)
عليكم السلام
والحمدلله عالسلامه
مشالله احلى مافيها الطبيعه يتراوالي
احس الواحد لما يروحلها يرتاح نفسيا
كفايه تشوف هالطبيعه كل يوم
والله احس دوا حق كل عله
,
بالعافيه عليك
والله يقسم لنا انشالله p;
وعليكم السلام ورحمة الله وبركاته
قرأت بوستك اليوم للمرّة الثانية ..حتى أعلق
في المرّة الاولى مررت..وقرأت لأستمتع
الصور مذهلة..على الرغم من اني كنت في مثل هذه الصور ..اغلبها
منذ زمن بعيد...الا أنني لم أرها بالعين التي رأيتها الآن...
بدت أجمل..
وأمتع...
عند كل صورة توقفت...
ابتسمت...
تذكرت..
وحاولت معايشت واقع صورتك بعينك أنت...
اممم.....
كاتب ..مصوّر...
وتنفع قايد للرحلة...
الله يتمم عليك ويحميك على هالمواهب الفذّه صراحه
و اقدر استعير صورة أوراق الشجر لبوستي القادم؟؟؟
احمد نبيل...
شخصيه موهوبه سعدت بمعرفتها...
واسعد كل يوم اكثر عند دخولي مدونتك...
اخي الكريم
كن بخير أينما كنت
ودّي
السلام..
الحمدالله عالسلامه..
وخوش رحله ماشاءالله بس مامريتواالسوق ؟؟
ومشكور..
sweet revenge
الانسانة المبدعة
ــــــــــــــ
أنا بخير الحمد الله مستانس بوجودج بالبلوق :)
اي و الله حدها خوش سفرة انصحكم فيها
تبين الصراحة زين تسوين ما تشوفين مسلسلات تركية
الناس صايرين كل سنة هبة و السنة الياية الله اعلم شنو بتكون !
ــــــــــــــــــــــــــــــ
حافية القدمين ...الثرية بخدمة أهل البيت :)
الله يسلمج
اي و الله الطبيعة و الجو كانوا من احلى الشغلات
اول مرة اشوفج خارج جو الكتابات
الله يعافيج و الله يقسم لكم ان شالله ..تهران !
P:
شكرا جزيلا على متابعتج الدائمة سعيد بهالشي لمن اراجع البوستات القديمة و اشوف اسمج موجود فيها :)
العزيزة سلة ميوة
ــــــــــــــــ
من وين أبدا ؟
اخجلتيني بهالكلام
بالنسبة للصور أسعدني انهم عجبوج (و الله يخلي كانون!)
و بالنسبة لصورة أوراق الشجر يشرفني انه تكون في بوست من بوستاتج :)
شكرا على تواجدج الدائم
دمت بود
ـــــــــــــــــــــــــ
رورو
ــــ
و عليكم السلام و الرحمة
الله يسلمج
اي و الله حدها خوش رحلة
السوق ؟؟
عرب و ما يروحون السوق ؟
اكيد لأ !
تقريبا ثلاث ايام بعد الطلعات "السياحية" كنا نروح السوق
سوقهم الرئيسي بمكانين :
1-شارق تقسيم
2- بغداد جادة سي حق الماركات
شكرا على مرورج رورو :)
يه يه يه ..
الحمد الله عالسلامه :)
عاد تصدق ياحلوها الوالده قاعده تخيرني بين مصر وتركيا للصيف وبابتسامه كبيره ياعلي ماحرمها .. عاد رديت الابتسامه بأعرض منها وآنا أقول tukey indeeeeede .. شوقتني
تبي الصج .. هالبوست فرفوشومن احلى البوستات .. مو لنفسه .. لأنها ورانا جانب من واقع احمد نبيل الكاتب الحزين المبدع
بس تعال امبيه مو هاذي ام شسمونه بالمسلسل .. ام لميس !!
هلا بالوتين العزيزة
ـــــــــــــــــ
الله يسلمج :)
قلنا نفرفش و نوقف نكد (بس مو علطول P: )
مصر ولا تركيا ؟؟؟
انتي رايحة مصر جربي تركيا و اكيد راح تعجبج بس لا تنسين تروحين متحف طوبقابي لا يفوتج
و حاولي تصورين عشان تحصلين زفة نفس اللي حصلناها لووول !
ـــــــــــــــــــــــ
فزتي معانا بجائزة لانج عرفتي صاحبة الصورة (ام لميس بالمسلسل) !
و سيعلن البلوق عن ماهية الجائزة لاحقا (توهقت!)
P:
الله الله خوووووووووش
بوست ..حبيته ..
تصدق احسك تعرف تصور ..لاوم تصير بروفيشنال والله الزوايا اللي مختارها حلو حيـــــــل .. غير ان تركيا تعتبر من الدول اللي فيها مزيج من اوربا و تفاصيل الشام .. حبيت الصور حيــل
و عسى الله يونسك بالعافية ..
********************
^_^ جائزه؟ شيفكك؟
حابه اشاوركم .. عندي كانون بس العوده جي9 ودش فيها رطوبه من المخيم من سنه ولمن رحت اصلحها بالوكاله قالوا تكلف 70 .. امي قالت ماتسوى حطي دبلها ويبي كامره صغيره ونفس الكواليتي ... مادري شتنصحني؟
وبعدين على قولتك .. ترى مصر مافيها زود .. ولاهي مالت استجمام .. مجربه ..مالت تسوق ووناسه .. احس تركيا للاستجمام والاسترخاء .. عالاقل مافيها طرار يبوقك ( مليان قلبي مليان)
دمت مبدعا فنانا
سـلآم عليكم ../
مـآشاء الله .. رحلة ][ رآئعة ][ ..!
جعلتني أتمنى طبق من ( الحلقوم ) أمـآمي ..!
تجولت في ][ المدونة ][ ورآقت لي ..!
سجلنـي متآبعة - بإذن الله - ..
بارك الله فيك ..
أختكـ ..
صدى ..~
حمدالله ع السلامة ..
عجبتني الصور .. والتفاصيل اللي فيها ..
انا عاد والذرة والكستنه حبايب واكثر ..
بوست رائع ..
Pak Karamu visiting your blog
ماشالله خوش صور
وخوش جولات عليكم بالعافيه
شكلها حلوة والله
ما رحتلها =p
كل عام وأنت بخير بمناسبه السنه اليديده
HAPpY NEW yEAR
يشرفني إني أكون ثاني "واحد" يعلق على بوستك.. وانشالله بوصخي مايبوسها بعد مرة وحدة :P
إرسال تعليق